Dua-e-Wahdat

Here’s another short poem I wrote today.

Hamaare faaslon ki misaal zameen-o-aasmaan kyon ho?
Dilon ke darmiyan mulk unke darmiyan sarhadein kyon ho?

Behr-e-hayaat se uthi waqt ki leher ke sab humsafar
Phir hum adna se katron mein koi zer to koi zabar kyon ho?

Zaat-o-zubaan-o-mulk, deen-o-mazhab-o-maseeha
Yeh gunaah hain hamaare to inki wajeh Khudaa kyon ho?

Khaak se khaak tak ka safar raha azal se hoga abad tak
Apne matla-o-maqta ek phir baaqi Ghazal beradeef kyon ho?

Kacche Khwaab

Another short Urdu poem…

Kuch kacche Khwaab palkon ke mehmaan hue
Yeh raat mein gar saje.n to din ko aankhon mein chubhte hain

Jinke soz se is zulmat kade mein roshni hoti thi
Waqt ki taariki mein yeh ummeed ke shamme bhi bujhte hain

Jab bhi gul ki baat chide, bahaaron ki baat chale
Ahl-e-naadaan-e-bazm sehra ki Khamoshi ka sabab puchte hain